Журналіст-фрылансер: Жывыя-здаровыя, ідзем здымаць пабоі
2- 22.06.2016, 15:17
- 12,652
Кастусь Жукоўскі, якога брутальна затрымалі на Гомельшчыне, распавёў пра сваё самаадчуванне.
«Жывыя-здаровыя, ідзем з калегам здымаць пабоі. Баліць ключыца і рукі нямеюць. Заяву падалі на правядзенне праверкі па факце. Тэлефон забраў. З нас знялі кайданкі, і мянты ўцяклі ў свае кабінеты. Быў участковы, які казаў «складаем пратакол», але ніякіх пратаколаў не складалі, папер не далі. Трымалі прыкладна шэсць гадзін. Камера працуе, запісы аддалі, але сабе скінулі відэа», - распавёў журналіст-фрылансер Кастусь Жукоўскі, паведамляе «Белсат».
Нагадаем, Канстанцін Жукоўскі разам з аператарам здымаў рэпартаж пра стан эканомікі ў беларускіх рэгіёнах. Іх працу раптам перапынілі супрацоўнікамі міліцыі, якія пад'ехалі і брутальна іх затрымалі.
Пазней Жукоўскі распавёў, што яго павалілі на падлогу, на галаву станавіліся каленам, ціснулі ў плітку, ламалі рукі, душылі, пасля дасталі кайданкі, прыціснулі так, што давялося выклікаць «хуткую» - у яго быў падвышаны ціск.