Юнкер параўнаў выхад Брытаніі з ЕЗ з «разводам»

Працэс выхаду з ЕЗ павінен быць хуткі, мяркуе прэзідэнт Еўракамісіі.

Пра гэта заявіў прэзідэнт Еўракамісіі Жан-Клод Юнкер у эфіры нямецкай тэлевізіі, паведамляе RTE.

"Гэта не сяброўскі развод, але і самі стасункі не былі любошчамі" - сказаў ён.

Пры гэтым Юнкер не разумее, чаму ўрад Брытаніі мерыцца валаводзіць да кастрычніка, каб вызначыць, ці варта адпраўляць "заяву пра развод" у Брусэль.

"Я хацеў бы гэтую заяву неадкладна" - заявіў прэзідэнт Еўракамісіі.

"Гэта дрэнны дзень для Брытаніі і ЕЗ, але мы павінны ісці далей", - дадаў ён.

Перад гэтым Юнкер ужо папярэджваў брытанцаў, што Brexit будзе канчатковы.

У чацвер у Брытаніі прайшоў рэферэндум аб удзеле краіны ў ЕЗ. Амаль 52% выбаршчыкаў прагаласавала за выхад краіны з Еўразвязу.