Шатландыя гатовая накласці вета на выхад Брытаніі з Еўразвяза
8- 26.06.2016, 15:08
- 10,077
Працэдура выхаду з ЕЗ павінна спачатку прайсці зацвярджэнне парламентам Шатландыі.
"Шатландыя ясна і цвёрда прагаласавала за тое, каб застацца часткай Еўразвяза", – падкрэсліла лідар Шатландскай нацыянальнай партыі ў інтэрв'ю нядзельнай праграме ВВС з вядоўцам Эндру Марэй.
Першы міністр Шатландыі Нікала Стэрджэн заявіла, што шатландскі парламент можа накласці вета на выхад Вялікай Брытаніі з складу Еўрапейскага Звяза.
У інтэрв'ю ВВС яна сказала, што парламент Шатландыі павінен афіцыйна пагадзіцца на выхад Брытаніі з ЕЗ і што яна будзе заклікаць шатландскіх парламентарыяў галасаваць супраць гэтага.
Пераважная большасць выбарнікаў Шатландыі прагаласавалі за тое, каб застацца ў складзе ЕЗ.
Паводле словаў Стэрджэн, яна хоча абараніць народ Шатландыі ад негатыўных наступстваў "брэксіту".
"Шатландыя ясна і цвёрда прагаласавала за тое, каб застацца часткай Еўразвяза", – падкрэсліла лідар Шатландскай нацыянальнай партыі (SNP).
Раней яна адзначала, што "брэксіт" можа стаць падставай да правядзення другога рэферэндуму наконт пытання пра незалежнасць Шатландыі.