Дзяржсакратар ЗША закліча краіны ЕЗ не пераймаць прыклад Брытаніі
9- 26.06.2016, 18:31
- 3,776
ЗША пасылаюць свайго эмісара, каб паўплываць на крызісную сітуацыю, якая склалася ў Брытаніі пасля рэферэндуму.
Як паказалі амерыканскія дыпламаты, якія знаходзяцца ў Рыме ў складзе дэлегацыі дзяржсакратара Джона Кэры, у панядзелак да яго ўжо ўзгодненага раней маршруту дададзеныя два пункты - спачатку Брусэль, дзе знаходзіцца штаб-кватэра ЕЗ, затым Лондан, паведамляе расейская служба BBC.
Як сказаў адзін неназваны дыпламат, Кэры закліча іншыя краіны-чальцы не пераймаць прыкладу Брытаніі, каб не аслабляць Еўразвяз і не ўносіць далейшы дысананс.
Кэры прыбыў у Рым у нядзелю на запланаваныя раней перамовы з міністрам замежных спраў Італіі Паола Джэнтыльёні і рабочую вячэру з прэм'ер-міністрам Ізраілю Біньямінам Нетаньяху.
Аднак у панядзелак ён адбудзе ў Брусэль на неадкладныя перамовы з вярхоўнай камісаркай у замежнай палітыцы ЕЗ Федэрыка Магерыні, а затым у Лондане сустрэнецца з міністрам замежных спраў Філіпам Хамондам і іншымі сябрамі кабінета Дэвіда Кэмерана.
Вашынгтон быў вельмі ўстурбаваны выбарам брытанскага народа, які прагаласаваў на рэферэндуме за выхад з Еўразвязу.
За некалькі тыдняў да правядзення рэферэндуму паводле «брэксіту» прэзідэнт Абама заклікаў брытанцаў галасаваць за тое, каб застацца ў ЕЗ.