Рассельгаснагляд забараняе ўвоз гародніны і садавіны «з Афрыкі» праз Беларусь

Пад выглядам афрыканскай прадукцыі ў РФ пастаўлялася прадукцыя з краін, якія падпалі пад расейскае харчовае эмбарга.

Рассельгаснагляд з 27 чэрвеня забараняе ўвоз гародніны і садавіны з шэрагу краін Афрыкі праз Беларусь.

Як паведамляе служба, гэта тычыцца да Кот-д'Івуары, Бенін, Нігерыі, Гвінеі-Бісаў, Гвінеі, Буркіна-Фасо, Цэнтральнаафрыканскай рэспубліцы, Малі.

Падставай для гэтага стала падазрэнне ў тым, што пад выглядам афрыканскай прадукцыі ў РФ пастаўлялася прадукцыя з краін, якія падпалі пад расейскае харчовае эмбарга. Падазрэнне заснавана на адсутнасці інфармацыі пра імпарт гэтай прадукцыі ў краіны ЕЗ і пра яе далейшае перамяшчэнне па еўрапейскай тэрыторыі.

Забарона тычыцца груш, яблыкаў, трускаўкі, таматаў, грыбоў, кавуноў, вінаграду, інжыра, чарэшні, цыбулі парэю, цыбулі рэпчатай, цыбулі шалота.

Увоз гэтай прадукцыі дазволены толькі праз міжнародныя пункты пропуску, праз дзяржаўную мяжу РФ пры атрыманні інфармацыі ад афрыканскіх краін аб адпраўцы грузаў.

Як паведамлялася, на 30 чэрвеня ў Гаазе прызначаная сустрэча прадстаўнікоў Рассельгаснагляду і генеральнага дырэктарата ў пытаннях аховы здароўя і бяспекі харчовай прадукцыі Еўракамісіі, на якой плануецца абмеркаваць праблемы, звязаныя з пастаўкамі прадукцыі з афрыканскіх краін.

«На маючай адбыцца сустрэчы нашы еўрапейскія калегі павінны нам растлумачыць, якім чынам у Еўразвяз паводле дакументаў Беніна былі пастаўленыя 8,7 тыс. тон персікаў, груш, трускаўкі, ківі, перцу, таматаў, нектарын і іншай прадукцыі, калі гэтая прадукцыя паводле еўрапейскай замежнагандлёвай статыстыкі ў ЕЗ не заходзіла», - заяўляў раней «Інтэрфаксу» кіраўнік Рассельгаснагляду Сяргей Данкверт.

Акрамя таго трэба будзе растлумачыць паходжанне блізу 10 тыс. тон агародніны і садавіны з Буркіна-Фасо, 7,4 тыс. тон - з Гвінеі, 11,9 тыс. тон - з Гвінеі-Бісаў, 24,3 тыс. тон - з Камеруна, 17,7 тыс. тон - з Кот-д'Івуара, 17 тыс. тон - з Ліберыі. «Звестак пра паступленне гэтай прадукцыі ў замежнагандлёвай статыстыцы ў ЕЗ няма», - тлумачыў ён.

Між тым, амбасадар Беніна ў РФ ужо заявіў, што краіна не вырошчвае некаторыя віды садавіны, якія пад выглядам бенінскіх пастаўляліся ў РФ.