«Беларуськалій» страціў на новым кантракце з Індыяй $1 мільярд

Цана за тону ўгнаенняў знізілася больш чым на 100 даляраў.

«Беларуськалій» паведаміў у панядзелак, 27 чэрвеня, аб падпісанні кантракту на пастаўку калійных угнаенняў у Індыю з доўгатэрміновым стратэгічным партнёрам Беларускай калійнай кампаніі ў Індыі, кампаніяй IPL. Цана за тону знізілася больш чым на 100 даляраў (з 332 да 227), але гэта не адзіны мінус.

Між іншым, у паведамленні БКК паказана, што «падпісаны кантракт на пастаўку калійных угнаенняў на індыйскі рынак на 2017 фінансавы год цаной 227 даляраў за тону CFR на ўмовах 180-дзённай адтэрміноўкі». Згодна з кантрактам, Беларуськалій «паставіць у Індыю 700 тыс. тон угнаенняў, адгрузка пачнецца з 1 ліпеня 2016 года, паведамляе telegraf.by.

Як адзначае эканамічны аглядальнік Зміцер Іванавіч, па ўсёй бачнасці, зніжэнне кошту на 100 даляраў закране ўсе кантракты, што азначае страты ў валютнай выручцы ў гадавым вылічэнні на ўзроўні блізу 1 млрд даляраў.

Па-другое, з прычыны 180-дзённай адтэрміноўкі плацяжоў за пастаўкі, першыя грошы за 2016 год Беларусь атрымае толькі ў 2017 годзе.

Акрамя таго, «Беларуськалію» давядзецца заплаціць экспартную мыту ў 2016 годзе, хоць грошай за пастаўкі ў Індыю ў 2016 годзе ён яшчэ не атрымае.

«Увогуле, накшталт усё прыгожа і кантракт падпісалі, толькі вось пазітыўнага ў гэтым, як атрымліваецца, вельмі мала», - рэзюмуе экспэрт.