Заўтра ў Беларусі будзе да +31°С
1- 29.06.2016, 12:38
- 20,181
Праз спёку сіноптыкі ўводзяць аранжавы ўзровень небяспекі.
У чацвер, 30 чэрвеня, удзень на большай частцы тэрыторыі Берасцейскай вобласці тэмпература паветра дасягне 30-31 градуса цяпла, у сувязі з чым сіноптыкі папярэджваюць аб неспрыяльнай з'яве (аранжавы ўзровень небяспекі), паведамляе pogoda.by.
Чакаецца пераменная воблачнасць. Месцамі, пераважна на ўсходзе, пройдуць кароткачасовыя дажджы, навальніцы. Вецер будзе няўстойлівы 3-8 м/с, пры навальніцах парывы да 14 м/с.
Тэмпература паветра ўначы складзе 12-18 градусаў вышэй за нуль, удзень прагназуецца 24-29 градусаў цяпла.
У дзённы час 1-2 ліпеня ў многіх раёнах Беларусі тэмпература паветра складзе 30-32 градусы цяпла, на поўдні да плюс 34.