Пуцін падоўжыў харчовае эмбарга
40- 29.06.2016, 19:26
- 19,462
Прэзідэнт РФ Уладзімір Пуцін падпісаў указ аб падаўжэнні харчовага эмбарга на паўтары гады - да 31 снежня 2017 года.
Указ апублікаваны на афіцыйным партале прававой інфармацыі, паведамляе «Медуза».
Расея абвясціла харчовае эмбарга ў 2014 годзе ў адказ на заходнія санкцыі, уведзеныя ў сувязі з анэксіяй Крыму Расеяй і агрэсіяй на ўсходзе Украіны. Пад забарону трапіў імпарт цэлага шэрагу тавараў з заходніх краін - перш за ўсё, з дзяржаў Еўразвязу.
У ліпені 2015 года Пуцін падпісаў указ аб знішчэнні санкцыйных прадуктаў на мяжы. У Расеі пачалі паказальна знішчаць ежу, якую спрабавалі правезці ў краіну ў абыход эмбарга.