Вуліцу Цэткін ператнуць уночы з 3 на 4 ліпеня прыкладна на тры месяцы

Да моманту перацінання вуліцы будзе пачаты рух па рэканструяваным завулку Дамашэўскага.

Перацяць для руху вуліцу Клары Цэткін (на адцінках ад пл.Багушэвіча да вул.Кальварыйскай) у сувязі з будаўніцтвам метро планавалася з 15 чэрвеня. Потым тэрміны перанеслі. Сёння прэс-служба УДАІ ГУУС Менгарвыканкама паведаміла, што перацінанне адбудзецца ўночы з 3 на 4 ліпеня. Прычым калі раней гаварылася, што адцінак вуліцы ператнуць на два месяцы, то цяпер "на тэрмін блізу трох месяцаў".

Да моманту перацінання вул.К.Цэткін будзе пачаты рух па рэканструяваным зав.Дамашэўскага. Аб'езд закрытага адцінка будзе арганізаваны маршрутам: працяг праспекта Машэрава - завулак Дамашэўскага - вул.К.Лібкнехта - 2-і завулак Розы Люксэмбург з выездам на праспект Дзяржынскага, - паведамілі ў ДАІ.

На перыяд перацінання адцінкаў вул.Цэткін рух транспартных сродкаў з сэктара вул.Лібкнэхта, зав.Паўночнага, вул.Заходняй з выездам на вул.Цэткін будзе ажыццяўляцца праз вул.Караля і вул.Дразда. На перыяд перацінання вуліцы Цэткін вуліца Караля на адцінку ад вул.Цэткін да вул.Дразда стане двухбаковай для руху транспарту. На ўсім працягу вул.Караля будуць усталяваныя дарожныя знакі 3.27 «Прыпынак забаронены». Для павелічэння транзітнай здольнасці дарогі такія ж знакі паставяць на вул.Дразда.

Для пераразмеркавання транспартнага націску будзе забаронены левы паварот з праспекта Незалежнасці на вул.Гарадскі Вал для ўсіх тыпаў транспартных сродкаў.

Рух грамадскага транспарту з праспекта Незалежнасці будзе ажыццяўляцца праз вуліцу Валадарскага (з арганізацыяй левага павароту).

Рух астатніх транспартных сродкаў з праспекта Незалежнасці ў бок вул.Раманаўскай Слабады, вул.Кальварыйскай будзе арганізавана праз скрыжаванні з вул.Леніна і вул.Я.Купалы.

На вул.Нямізе ля скрыжавання з вул.Раманаўскай Слабадой часова забароняць пешаходам пераходзіць праезную частку «зэбрай» ад дома № 28 у кірунку вул.Гарадскога Валу. У гэтым месцы будзе ўсталяваная дарожная агароджа. Для павелічэння транзітнай здольнасці скрыжавання зялёная стрэлка, якая дазваляе рух направа ў бок пл.Багушэвіча, будзе гарэць даўжэй чым зазвычай.

Прыпынак грамадскага транспарту «Музычны тэатр», якая размешчаны на пр.Дзяржынскага ў кірунку 2-га завулку Р.Люксэмбург, перанясуць за пл.Багушэвіча, дзе вул.Няміга крыжуецца з вул.Лібкнэхта і побач размешчаны рэгуляваны пешаходны пераход. Пешаходны пераход на пр.Дзяржынскага каля прыпынку «Музычны тэатр» будзе скасаваны.