Славаміра Адамовіча павезлі ў «Навінкі»
20- 2.07.2016, 12:42
- 11,901
Паэта і грамадскага дзеяча затрымалі 1 чэрвеня на фэсце ў Будславе.
Паводле словаў Славаміра Адамовіча, спачатку яго павезлі ў Мядзел на медагляд, а пасля даставілі ў сталіцу ў псіхіятрычную лякарню, паведамляе belprauda.org. Іншыя падрабязнасці інцыдэнту не паведамляюцца.
Як паведамляў раней сайт charter97.org, Адамовіча затрымалі ў Будславе 1 ліпеня ў час урачыстасцяў у гонар абраза Маці Божай Будслаўскай. Яго спынілі людзі ў цывільным і прапанавалі даглядзець ягоную торбу. Пасля адмовы праходзіць догляд Адамовіча скруцілі і пасадзілі ў машыну хуткай дапамогі. Потым яго павезлі на медагляд у суправаджэнні міліцыянта.
У лістападзе 1995 года Славамір Адамовіч напісаў верш «Забі прэзідэнта!», за які быў арыштаваны, праз 10 месяцаў выпушчаны пад падпіску пра нявыезд. У жніўні 1997 г. на адным з апазіцыйных мітынгаў публічна зашыў сабе рот. Некалькі гадоў жыў у эміграцыі, але пасля вярнуўся ў Беларусь.