Беларуска здабыла золата моладзевага ЧС у лёгкай атлетыцы

У фінальным забегу на дыстанцыі 100 м з бар'ерамі ў Быдгашчы Эльвіра Герман паказала вынік 12,85 сек.

Беларуская спартоўка Эльвіра Герман здабыла залаты медаль на маладзёжным чэмпіянаце свету (U-20), які завяршаецца ў польскім Быдгашчы, паведамляе БелТА.

Сёння ў фінальным забегу на дыстанцыі 100 м з бар'ерамі беларуска паказала вынік 12,85 сек. Гэта новы рэкорд Беларусі для спартовак ва ўзросце да 20 гадоў.

Эльвіра Герман апярэдзіла срэбную прызёрку з Ямайкі Рушэль Бартан (вынік - 12,87 сек.) і ўладальніцу бронзы амерыканку Ція Джонс (12,89 сек).

Год таму на юніёрскім першынстве Еўропы Эльвіра Герман таксама выйграла дыстанцыю 100 м з бар'ерамі. Гэта другі медаль беларускіх лёгкаатлетаў. Першы заваяваў Максім Андралойць, які стаў сярэбраным прызёрам у спаборніцтвах дзесяціборцаў. У фінале спаборніцтваў па кіданні дыска за ўзнагароды сёння паспрачаецца беларус Глеб Жук.