На канцэрт Лявона Вольскага ў Сухарава прыйшло 1500 чалавек
4- 28.07.2016, 9:57
- 16,641
Культавы музыкант Лявон Вольскі выступіў 27 ліпеня ў менскім Сухарава.
Ён спяваў для публікі на пікеце збору подпісаў за вылучэнне кандыдатам у дэпутаты намесніка старшыні руху «За Свабоду» Алеся Лагвінца.
Афіцыйны пікет разгарнуўся насупраць гандлёвага цэнтра «Максімус». Паслухаць знакамітага музыку прыйшло блізу 1500 чалавек, паведамляе Еўрарадыё.
Імправізаваны канцэрт пад адкрытым небам быў прымеркаваны да гадавіны прыняцця Дэкларацыі аб незалежнасці Беларусі. Да 1997 года менавіта ў гэты дзень наша краіна афіцыйна адзначала Дзень Незалежнасці.
