У чэрвені паскорыўся рост праблемных актываў банкаў

З пачатку года аб'ём праблемных актываў вырас ужо ўдвая - гэта гістарычны максімум для беларускай банкаўскай сістэмы.

У чэрвені доля праблемных актываў беларускіх банкаў зноў вырасла: на 1 ліпеня яна дасягнула 13,4% супраць 12,4% месяц таму. Паводле статыстычных звестак Нацбанка, за чэрвень прырост склаў адразу 3,9 трлн недамінаваных рублёў супраць 370,4 млрд у траўні. Як і прадказваў Нацбанк, хуткага вырашэння праблемы дрэнных актываў беларускіх банкаў не назіраецца - яны растуць восьмы месяц запар, піша tut.by.

З пачатку года аб'ём праблемных актываў вырас ужо ўдвая, дасягнуўшы 55,465 трлн на 1 ліпеня. Гэта гістарычны максімум для беларускай банкаўскай сістэмы.

«Прагнозная дынаміка праблемных актываў - нашы абследаванні і стрэс-тэсты паказваюць магчымы рост праблемных запазычанасцяў, але сітуацыя кіраваная. Тым больш што ўрад праводзіць работу ў рэарганізацыі, санацыі такіх прадпрыемстваў і, як крайняя мера, банкруцтва», - казаў кіраўнік Нацбанка Павел Калавур на прэс-канферэнцыі на пачатку траўня. Пры гэтым у ліпені нарэшце створанае Агенцтва кіравання актывамі, якому будзе перадавацца праблемная запазычанасць банкаў у крэдытах устойліва неплацежаздольных сельскагаспадарчых арганізацый. На яго стварэнні намагалі ў тым ліку міжнародныя экспэрты.

Старэйшая дырэктарка маскоўскага офіса рэйтынгавага агенцтва Fitch Ratings Вольга Ігнацьева распавяла, што на пагаршэнне якасці актываў беларускіх банкаў уплывае ў першую чаргу эканамічная сітуацыя ў краіне.

«Банкаўскія крэдыты, выдадзеныя ў тым лiку на льготных умовах, праходзяць сёння праверку часам. Вялікая закрэдытаванасць пазычальнікаў і дэвальвацыя, якая працягваецца, негатыўна ўплываюць на здольнасць беларускіх прадпрыемстваў своечасова выконваць абавязанні перад банкамі», - падкрэсліла экспэрт.

Ігнацьева звярнула ўвагу на тое, што пагаршэнне якасці актываў закранула крэдыты, якія выдаваліся розным сектарам эканомікі.

Fitch Ratings чакае, што доля праблемных актываў беларускіх банкаў будзе паступова падрастаць, і нават калі ў другім паўгоддзі эканоміка пачне аднаўляцца, якасць крэдытнага партфеля можа працягваць некаторы час яшчэ пагаршацца пад уплывам папярэдніх стрэсаў.