Папа Рымскі: Свет знаходзіцца ў стане вайны

Забойства святара стала чарговым звяном у ланцугу тэрактаў у Францыі і Нямеччыны за апошнія некалькі тыдняў.

На думку Папы Рымскага Францыска апошняя хваля джыхадзістскіх нападаў у Еўропе ёсць доказ таго, што свет знаходзіцца ў стане вайны, паведамляе расейская служба ВВС.

Аднак, як ён растлумачыў, гаворка ідзе не пра вайну паміж рэлігіямі, а пра канфлікт інтарэсаў і грашовыя рэсурсы.

З такімі выказваннямі пантыфік выступіў перад журналістамі напярэдадні візіту ў Польшчу, адказваючы на пытанні, выкліканыя зверскім забойствам каталіцкага святара французскімі джыхадзістамі.

Айца Жака Амелія забілі прама падчас ранішняй службы ў яго царкве Сэнт-Эцьен-дзю-Руврэ на поўначы Францыі.

Забойства святара стала чарговым звяном у ланцугу тэрактаў у Францыі і Нямеччыне за апошнія некалькі тыдняў. Большая частка гэтых нападаў учынена баевікамі-ісламістамі.

«Нам ўвесь час кажуць пра праблемы з бяспекай, хоць на самай справе тое, што адбываецца, характарызуецца словам «вайна», - заявіў папа Францыск. - Нам трэба перастаць баяцца прызнаць праўду. Мы знаходзімся ў стане вайны, таму што страцілі мір».

«Калі я кажу пра вайну, я кажу пра войны за інтарэсы, грошы, рэсурсы, а зусім не за рэлігію. Усе рэлігіі хочуць міру, вайны хочуць іншыя людзі», - дадаў кіраўнік Рымскай царквы.