Легендарны «Ласунак» не ператвораць у Burger King

Эканамічны суд адмовіў у задавальненні пазоўных патрабаванняў бізнэсоўца Юрыя Марозава.

Вясной 2016 года крама «Ласунак» перайшла ад бізнэсоўца Юрыя Марозава пад крыло «Камунаркі» і закрылася на рэканструкцыю. Аднак прадпрымальнік разважыў непрадаўжэнне дамовы арэнды як неправамернае і падаў пазоў у Эканамічны суд Менска. Журналісты tut.by пабывалі на пасяджэнні, дзе разглядаўся лёс прывабнага месца на праспекце.

Памяшканне крамы «Ласунак» на праспекце Незалежнасці, 19 было ў камунальнай уласнасці Менска і на балансе ў ЖРЭА Цэнтральнага раёна. Да 1 красавіка 2016 года ЗАТ «Ласунак», асноўным уладальнікам якога з'яўляецца Юрый Марозаў, арандавала ў ЖРЭА аднайменную краму.

Аднак дамову арэнды не прадоўжылі і перадалі аб'ект «Камунарцы» з умовай захавання назвы, атмасферы, калектыву і асартыменту беларускіх тавараў. У выканкаме казалі, што так паступілі з-за першапачатковага жадання Марозава адкрыць тут Burger King, што недарэчна, і зацягнула б тэрміны выдачы новага праекта рэканструкцыі крамы. Галоўная мэта гэтых дзеянняў - захаваць значны для менчукоў аб'ект, запэўнівалі ў гарвыканкаме.

Бізнэсовец жа заяўляў, што хацеў зрабіць у «Ласунку» кавярню, але Менгарвыканкам з незразумелых для яго прычын адмовіўся прадаўжаць дамову арэнды. Маразоў мяркуе, што ЗАТ «Ласунак» мае першачарговае права на ўкладанне дамовы арэнды, таму падаў пазоў у Эканамічны суд Менска. Адказчыкамі сталі «Камунарка» і ЖРЭА Цэнтральнага раёна, а трэцяй асобай - Менгарвыканкам.

Пакуль суд разглядаў заяву, у краме ўжо поўным ходам ішоў рамонт. Аб'ект плануюць адкрыць у верасні.

На пасяджэнні стала зразумелая юрыдычная працэдура ўзнікнення крамы «Камунарка» на месцы «Ласунак».

Што прапанаваў пазоўнік і што пастанавіў суд?

Адвакат жа адзначыў, што калі будзе даведзенае парушэнне пераважнага права «Ласунак» на арэнду памяшкання, то супадзення завінавачанага і крэдытора ў асобе «Камунаркі» ужо не будзе. «Камунарка» застанецца толькі ўласнікам, а перавагу на арэнду атрымае ЗАТ «Ласунак».

Прасцей кажучы, «Камунарка» будзе здаваць краму ў арэнду «Ласунку». Акрамя таго, адвакат прасіў перавесці на «Ласунак» усе правы і абавязкі «Камунаркі» як арандатара згодна з красавіцкай дамовай.

Падчас спрэчак Ралько таксама спытаў, чым жа ўсё ж «Ласунак» горшы за «Камунарку» як арандатар.

- Было дадзена даручэнне прэзідэнта аб павелічэнні статутнага фонду «Камунаркі» і адкрыцці там крамы фірмовага гандлю, - адказала прадстаўніца выканкама.

- Прэзідэнт даручаў укласці дамову арэнды з «Камунаркай»? - задаў пытанне адвакат.

- Такога даручэння не было. Там было даручэнне адкрыць краму і павялічыць статутны фонд, - парыравала супрацоўніца гарвыканкаму.

У выніку Эканамічны суд адмовіў у задавальненні пазову. Значыць, арандаваць памяшканне на праспекце Незалежнасці, 19 ЗАТ «Ласунак» не будзе. Адвакат сказаў, што парэкамендуе Марозаву падаваць апеляцыю, але канчатковая пастанова - за бізнэсоўцам.