У пункце пропуску «Бераставіца» абмяжуюць рух
- 28.07.2016, 15:55
- 4,737
Абмежаванне звязанае з рамонтам асфальтабетоннага пакрыцця.
Рух грузавога транспарту будзе абцяжараны ў пункце пропуску «Бераставіца» з 28 ліпеня да 4 жніўня, паведамілі сайту charter97.org у прэс-службе Дзяржаўнага мытнага камітэта.
«З 28 ліпеня да 4 жніўня 2016 года ў аўтадарожным пункце пропуску «Бераставіца» праводзіцца рамонт асфальтабетоннага пакрыцця. У сувязі з гэтым у названы перыяд на тэрыторыі пункта пропуску абцяжараны рух грузавых транспартных сродкаў», - растлумачылі ў прэс-службе.
У ДМК парэкамендавалі перавозчыкам улічваць гэтую інфармацыю пры перасячэнні мяжы.