The New York Times: ЗША рыхтуюць захады ў адказ на кібератакі з Расеі

У шэрагу узломаў, што адбыліся за апошні час, ЦРУ выявіла расейскі след.

Выступаючы на форуме бяспекі ў Аспене, кіраўнік ЦРУ Джон Брэнан, як адзначае The New York Times, казаў пра Кібератакі на структуры, звязаныя з Дэмакратычнай партыяй ЗША (пераклад - РБК).

Ён падкрэсліў, што калі будуць вызначаныя адказныя за ўзломы, на высокім урадавым узроўні будзе разгледжана пытанне аб «правільных дзеяннях, якія павінны будуць быць прынятыя». «Відавочна, што ўмяшанне ў выбарчы працэс ЗША - гэта вельмі, вельмі сур'ёзная тэма», - адзначыў ён.

ЗША не выключаюць магчымасць прыняцця захадаў у адказ на кібератакі, заявіла, у сваю чаргу, дарадца прэзідэнта ЗША Барака Абамы ў пытаннях унутранай бяспекі Ліза Манака на форуме ў Аспене.

З яе слоў, амерыканскі бок «павінны даць ясна зразумець, што адкажа», калі кібератакі былі «досыць сур'ёзнымі». У той жа час яна адзначыла, што ў выпадку адказу «існуе небяспека эскалацыі і няправільнай інтэрпрэтацыі» і яна такая, што ЗША «павінны падыходзіць да гэтага вельмі адказна». Таксама Манака заявіла, што ЗША трэба разгледзець пытанне аб аднясенні палітычнай сістэмы ЗША да «крытычна важнай інфраструктуры».

Две высокапастаўленыя крыніцы The New York Times у адміністрацыі прэзідэнта, кажучы пра магчымасці адказу, заявілі, што ён можа вар'іравацца ад хакерскіх контратак на ФСБ і ГРУ Расеі да санкцый – між іншых, эканамічных - у дачыненні да тых асоб, якія адказныя за ўзломы.

Разам з тым, ABC News са спасылкай на трох крыніц, якія займалі пасады ў спецслужбах ЗША, піша, што Агенцтва нацыянальнай бяспекі ўжо вядзе працу ў дачыненні да двух звязаных з расейскім урадам хакерскіх груп. Мэта - вызначыць, ці адказныя яны за атакі на структуры, звязаныя з Дэмакратычнай партыяй ЗША.