Мусульмане адмовіліся хаваць тэрарыста, які забіў святара ў Францыі
4- 31.07.2016, 11:36
- 8,277
Імам мусульманскай абшчыны на поўначы Францыі не стаў падрыхтоўваць цела да пахавання.
Мусульманская супольнасць французскага кантона Сэнт-Эцьен-дзю-Руврэ на поўначы краіны адмовілася хаваць 19-гадовага Адэля Карміша, які забіў каталіцкага святара падчас набажэнства, паведамляе Sky News (пераклад - gazeta.ru).
«Мы не хочам запляміць іслам гэтым чалавекам. Мы не будзем удзельнічаць у падрыхтоўцы цела да пахавання», - заявіў Махамед Карабах, імам адной з мясцовых мячэцяў.
Разам з тым ён адзначыў, што, калі мэрыя і сям'я Карміша папросяць яго пахаваць, мусульманская супольнасць будзе вымушана прызначыць чалавека для выканання гэтай волі.
На поўначы Францыі 26 ліпеня двое тэрарыстаў узялі ў закладнікі некалькіх чалавек у царкве. Адным з нападнікаў быў Адэль Карміш. Пазней нападнікі былі ліквідаваныя паліцыяй, тэрарыстамі ж у царкве быў забіты святар.
Адказнасць за напад ўзяла на сябе тэрарыстычная арганізацыя «Ісламская дзяржава».
Раней паведамлялася, што нападнік на царкву ў Францыі пагражаў новымі тэрактамі.