У турме Парагвая знайшлі «нумар-люкс» наркабарона
8- 31.07.2016, 13:46
- 15,620
Парагвайскі паліцыянты выявілі шыкоўную камеру з канферэнц-залай, плазменным тэлевізарам і кухняй.
«Нумар» знаходзіўся ў турме, дзе ўтрымліваўся бразільскі наркабарон Жарвіс Шыменес Паван, паведамляе расейская служба ВВС.
У спальні Павал меў спартыўныя трэнажоры
Як паведамляюць СМІ Парагвая, інтэр'ер унікальнай турэмнай камеры ў калоніі Такумбу пад Асунсьёнам ужо дэмантаваны.
Акрамя таго, вартавым парадку ўдалося даведацца, што Паван збіраўся збегчы, падарваўшы сцяну пенітэнцыярнай установы выбухоўкай.
У дачыненні да кіраўніцтва турмы Такумбу праводзіцца расследаванне з мэтай высветліць, як яно магло дапусціць уладкаванне «нумара-люкса».
Зняволеныя Такумбу распавялі журналістам, што за знаходжанне ў сваіх апартаментах Паван браў ўнёсак 5 тысяч даляраў без уліку штотыднёвай арэнднай платы ў 600 даляраў.
«Гэта быў самы папулярны чалавек у нашай турме», - расчуліўся у размове з журналістамі арыштант Антонія Гансалес.
Акрамя кандыцыянера і ваннага пакою, у «камеры-люкс» знаходзілася багатая калекцыя DVD, у якой быў серыял пра жыццё знакамітага калумбійскага наркабарона Пабла Эскабара, забітага ў 1993 годзе.
Дарэчы, улады Калумбіі ўклалі з Эскабара ўгоду, дазволіўшы яму ўладкаваць турэмную камеру на свай меркаванне.
Павана збіраліся экстрадаваць у Бразілію ў 2017 годзе, калі ў яго скончыўся б тэрмін паводле справы аб адмыванні грошай.