У ЕЗ гатовыя да зімы без расейскага газу

Брусэль не бачыць нічога драматычнага у тым, каб перазімаваць без падпісання пагаднення з «Газпрамам».

Еўразвяз добра падрыхтаваўся і адаптаваны да магчымых форс-мажорных сітуацыях у пытанні паставак газу гэтай зімой, заявіў віцэ-прэзідэнт Еўракамісіі энэргетычнага саюзу Мараш Шэфчовіч, паведамляе zn.ua.

«Вядома, мы былі б больш шчаслівыя, калі б пастаўкі былі дадаткова падмацаваныя трохбаковым пагадненнем («зімовым пакетам «паміж Украінай, ЕЗ і РФ - рэд.)... Аднак варта адзначыць, што цяпер, дзякуючы праведзенай працы, мы яшчэ больш падрыхтаваныя (да праходжання зімы - рэд.), чым раней», - адзначыў віцэ-прэзідэнт.

Ён нагадаў аб ўдасканаленні сістэмы стварэння запасаў газу, аб пашырэнні магчымасцяў выкарыстання ЗПГ, наладжванні энэргетычных узаемасувязяў паміж краінамі звязу - гэта значыць магчымасці дзяржаў перакідваць энэргію адна адной у выпадку неабходнасці. Шэфчовіч адзначыў, што энэргетычныя стрэс-тэсты, якія прайшлі ў ЕЗ, паказалі вялікую ўстойлівасць энэргетычнай сістэмы звязу да магчымых перабояў у пастаўках паліва.

Еўракамісар падкрэсліў, што ў ЕЗ цяпер «няма сігналаў, што нешта драматычнае можа здарыцца», але ў той жа час адзначыў, што краіны звязу «змогуць адаптавацца, калі што».

Шэфчовіч плануе наведаць Кіеў 2 верасня, а затым Маскву 11-12 верасня. Адна з мэтаў паездкі - вывучыць, ці ёсць цікавасць да трохбаковых перамоваў аб пастаўках газу з Расеі ва Украіну напярэдадні зімовага ацяпляльнага сезона.

Аднак 30 жніўня Шэфчовіч заявіў, што дата яго візіту ў Маскву пакуль канчаткова не вызначаная. З яго слоў, ён працуе над тым, каб новы «зімовы пакет» быў заключаны паміж трыма бакамі.

Адзначым, што яшчэ ў 2014 годзе традыцыйна «Газпрам» спрабаваў палохаць Еўропу імавернымі праблемамі з транзітам праз Украіну, а менавіта ў сувязі з адмовай НАК «Нафтагаза» ад закупаў расейскага газу ў вялікіх аб'ёмах і запускам рэверсу з ЕЗ. Аднак усе «страшылкі» РФ пра зіму без газу ў Еўропе не знайшлі пацверджання.

У ЕЗ засталіся задаволеныя «газавай» зімой 2014/2015 гадоў, адзначыўшы, што яна прайшла «ўпершыню без драматызму». У выніку ўсе намаганні РФ прывялі толькі да таго, што «Газпрам» страціў да $6 млрд праз няўдалую спробу перакрыць рэверс шляхам перакрыцця паставак расейскага газу ў ЕЗ. Пры гэтым Украіна зарэкамендавала сябе як надзейны транзіцёр.