Alpha Motor паказаў чарговую віртуальную навінку

У лінейцы стартапу ўжо сем будучых электрамабіляў.

Амерыканскі стартап Alpha Motor прапанаваў рэтраверсію свайго электрапікапа Wolf, гісторыя якога пачалася яшчэ ў 2021 годзе. Праз тры гады да серыі ён так і не дайшоў, як, зрэшты, і астатнія мадэлі брэнду. Усе раней прапанаваныя канцэпты купэ Ace, пазадарожнае купэ Jax, пікап Wolf, седан і ўніверсал Saga існуюць толькі ў віртуальным свеце, піша Аўтацэнтр.

Цяпер да іх далучыўся Wolf пачатковага ўзроўню. Вонкава ён вельмі нагадвае японскія пікапы канца 1970-х і пачаткі 1980-х гадоў, такіх як Toyota Hilux 1980 года. Асабліва яркая дасылка – 31-цалевыя шыны з белымі бакавінамі. Інтэр'ер максімальна спрошчаны. Усе прыборы аналагавыя. Адзіны сучасны элемент – дысплэй інфармацыйна-забаўляльнай сістэмы.

Як кажуць у кампаніі, з моманту першай прэзентацыі інжынеры мадыфікавалі скейтборд-платформу пікапа. Гэта дазволіла размясціць акумулятарны блок большага памеру. Чаканы запас ходу – 563 км.

Цікава, што ад «тэслаўскага» зараднага порта, на які ў апошні час актыўна пераходзяць амаль усе аўтавытворцы, стартап адмовіўся. Пікап абсталяваны портам CCS і падтрымлівае хуткую зарадку сталым токам. Паводле звестак Alpha, у залежнасці ад ёмістасці батарэя папаўняецца на 80% за 30–60 хвілінаў.

Тэрміны выхаду серыйнага Alpha Wolf не ўдакладняецца. Калі ён усё ж пойдзе ў серыю, цэтлік можа пачынацца з 36000 даляраў. У цэлым стартап ужо паказаў сем патэнцыйных мадэляў і спадзяецца некалі вывесці іх на рынак.