У Менску з метро эвакуявалі людзей

На месца выехалі падраздзяленні МНС.

Падраздзяленні МНС выехалі на паведамленне пра задымленне ў менскім метро на перагоне паміж станцыямі Кастрычніцкая і Плошча Леніна.

Пасля прыбыцця да месца інцыдэнту праводзілася эвакуацыя людзей.

Паводле інфармацыі Менскага метрапалітэна, 30 сакавіка ў 09:35 адбылося зацісканне тармазных калодак у цягніку, які рухаўся паміж станцыямі «Кастрычніцкая» і «Плошча Леніна». Гэта прывяло да ўзнікнення дыму і спынення руху цягнікоў па Маскоўскай лініі метро.

«У 09:56 рух цягнікоў быў адноўлены, рабілася дыспетчарскае рэгуляванне руху. Цяпер метро працуе ў штатным рэжыме. Менскі метрапалітэн прыносіць прабачэнні пасажырам за прынесеныя нязручнасці», – гаворыцца ў паведамленні.