У Беларусі абмяжоўваюць наведванне лясоў
7- 30.03.2024, 10:50
- 2,910
Адразу ў 31 раёне.
Наведванне лясоў абмежаванае ў 31 раёне Беларусі. Пра гэта сведчыць інтэрактыўная мапа, размешчаная на сайце Мінлясгаса.
У Менскай вобласці абмежаванні дзейнічаюць у Барысаўскім, Бярэзінскім, Валожынскім, Пухавіцкім, Салігорскім і Чэрвеньскім раёнах.
У Магілёўскай – у Бялыніцкім, Бабруйскім, Быхаўскім, Глускім, Клічаўскім, Кіраўскім, Круглянскім, Асіповіцкім і Шклоўскім.
У Берасцейскай – у Драгічынскім, Жабінкаўскім, Іванаўскім, Камянецкім, Кобрынскім, Пінскім і Столінскім.
У Гомельскай – у Жлобінскім, Акцябрскім, Рэчыцкім, Рагачоўскім, Светлагорскім.
У Гарадзенскай – у Ваўкавыскім, Воранаўскім і Лідскім.
У Віцебскай – у Лепельскім раёне.