Танкавы рэйд у «хлявах»
- 10.04.2024, 12:26
- 4,620
Праз нястачу сродкаў барацьбы з дронамі вайскоўцы РФ сталі прыкрывацца самапальнымі «дахамі».
На расейскія танкі пачалі ўстанаўліваць незвычайныя ахоўныя канструкцыі, заўважылі ваенныя экспэрты. Танк з «хлявом» патрапіў на здымку ўкраінскага дрона ў раёне Краснагораўкі (на захадзе ад Данецка). Ён узначальваў групу з 4 адзінак бранятэхнікі. На наступны дзень украінскі канал паведаміў, што танк з хлявом знішчаны ў ангары ў Данецку.
Такі «хлеў» збіраецца ў палявых умовах з падручных матэрыялаў, ён для таго, каб абараніць не толькі сам танк, але і пяхоту.
Сістэмы радыё-электроннай барацьбы з дронамі пакуль недастаткова ўніверсальныя, складаныя ў выкарыстанні і дарагія, распавёў «Можем объяснить» вайсковы аналітык Ян Мацвееў. «Таму даводзіцца будаваць на тэхніцы «хлявы». Зрэшты, іх эфектыўнасць таксама далёкая ад ідэалу. Магчыма, ад пары ўдараў FPV-дронаў такі навес можа часткова дапамагчы. Але ён моцна абмяжоўвае манеўранасць танка і яго баявыя магчымасці: вежа проста не можа нармальна круціцца. Вентыляцыя пагаршаецца, ды і хутка пакінуць танк немагчыма. Дастаўка пяхоты на брані як мага бліжэй да пазіцый супраціўніка - цяпер асноўная тактыка наступу расейскіх сіл. Часцяком гэты дэсант знішчаюць дронамі яшчэ падчас руху на танках\БМП».
Падстрэшкі ад дронаў - не першы прыклад саматужнай вытворчасці на фронце:
Тачанка з кулямётам. На грузавую «буханку» усталяваны ДШК - кулямёт быў прыняты на ўзбраенне яшчэ ў 1939 годзе. Пазіцыянуецца як сродак барацьбы з дронамі.
«Маталыга» з карабельнай гарматай. Па версіі CIT, гэтыя гібрыды таксама могуць выкарыстоўвацца для барацьбы з БПЛА.
Баханка-ракетаносец. Пускавы блок авіяцыйных ракет С-8 усталяваны на УАЗ.
У канцы лютага 2024 года, пасля двух гадоў вайны з актыўным выкарыстаннем дронаў, Сяргей Шайгу распарадзіўся ўзмацніць групоўку «Цэнтр» сродкамі радыёэлектроннай барацьбы.