Ваеннага злачынцу Гіркіна могуць адправіць на вайну ва Украіну

З такой прапановай выступіў ягоны адвакат.

Абарона ваеннага злачынцы, экс-кіраўніка «ДНР» Ігара Стралкова (Гіркіна), які атрымаў чатыры гады калоніі паводле справы аб экстрэмізме (ч. 2 арт. 280 КК), папросіць накіраваць яго на вайну ва Украіну, паведаміў РБК яго адвакат Аляксандр Малахаў.

Адвакаты ў канцы студзеня абскардзілі прысуд Стралкову. Як паведаміў Малахаў, судовае пасяджэнне паводле крымінальнай справы пройдзе ў Першым апеляцыйным судзе агульнай юрысдыкцыі ў Маскве 15 траўня.

Да апеляцыйнай скаргі Малахава прыкладзены дакумент, які пацвярджае згоду адной з вайсковых часцей на тэрыторыі «ДНР» на ўкладанне кантракту з Гіркіным.