Узровень вады ля расейскага Арэнбурга ўстанавіў новы рэкорд

Перавысіў крытычную адзнаку.

Узровень вады ў рацэ Урал у Арэнбурга падняўся да 1090 см, паведамілі ў гарадской адміністрацыі. Напярэдадні ён складаў 1022 см, што перавысіла паказчыкі за ўсю гісторыю метэаназіранняў. Крытычная адзнака складае 930 см.

«На 18:00 11 красавіка падтопленыя 4763 прысядзібныя надзелы і 2537 домаўладанняў. З дзявяці раніцы колькасць павялічылася на 795 і 211 адпаведна», - паведамілі ў адміністрацыі.

Увогуле эвакуяваныя 1332 жыхары, у тым ліку 136 дзяцей. У пунктах часовага размяшчэння знаходзяцца 142 чалавекі, у тым ліку 48 дзяцей. У выратавальных работах задзейнічаныя 352 чалавекі, 109 адзінак тэхнікі, 47 плаўсродкаў і тры беспілотнікі, удакладнілі ў мэрыі.

4 красавіка ў Арэнбуржскай вобласці ўвялі рэжым надзвычайнай сітуацыі (НС) праз паводкі. Праз дзень у Орску прарвала дамбу праз пад'ём ўзроўню вады ва Урале. Гэты паказчык перавысіў крытычную адзнаку ўвечары 9 красавіка. Рэжыму НС у рэгіёне надалі федэральны статут.

Са слоў губернатара Арэнбуржскай вобласці Дзяніса Паслера, папярэдняя шкода ад паводак перавысіла 40 млрд рас. руб. Ён назваў найгоршай сітуацыю з паводкай у Арэнбургу і заявіў аб стабілізацыі абстаноўкі ў Орску.