Літоўскія памежнікі прызямлілі з кантрабанднымі цыгарэтамі з Беларусі

Фотафакт.

Літоўскія пагранічнікі перахапілі самаробны дрон, на якім спрабавалі пераправіць з Беларусі кантрабандныя цыгарэты, паведамілі ў пагранслужбе Літвы.

Інцыдэнт адбыўся ў Шальчынінскім раёне. Супрацоўнікі памежнага атрада пры дапамозе прыбора начнога бачання знайшлі робат з грузам, які ляцеў на тэрыторыю Літвы на нізкай вышыні. Памежнікі прызямлілі коптар.

Высветлілася, што да дрона былі прымацаваныя 2800 пачкаў цыгарэт Minsk Super Slims і NZ Gold з беларускімі акцызамі.

Пасля гэтага службовы сабака выйшаў на след і знайшоў мясцовага жыхара, які схаваўся ў кустах. Выявілася, што 26-гадовы мужчына чакаў груз. Яго дапыталі і адпусцілі пад падпіску аб нявыездзе.

Паводле гэтага факта распачалі дасудовае расследаванне. За кантрабанду цыгарэт у Літве прадугледжанае пакаранне ажно да чатырох гадоў пазбаўлення волі.