ЦАХАЛ заявіў аб ліквідацыі завадатара аддзела ўнутранай бяспекі ХАМАС

Ён са зброяй хаваўся ў будынку шпітальнага комплексу.

ЦАХАЛ заявіў аб ліквідацыі завадатара аддзела ўнутранай бяспекі ХАМАС. Са звестак Ізраіля, Фаэк Мабхух, высокапастаўлены чыноўнік тэрарыстычнай арганізацыі быў ліквідаваны падчас аперацыі ў шпіталі Шыфа ў сектары Газа. Махбух адказваў "за каардынацыю тэрарыстычнай дзейнасці ХАМАС у сектары Газа", паведамляе BILD.

Мабхух быў забіты пасля таго, як выведка атрымала інфармацыю аб прысутнасці высокапастаўленых чальцоў ХАМАС у шпіталі Шыфа, паведамілі ў ізраільскай арміі. У заяве гаворыцца, што ён са зброяй хаваўся ў будынку шпітальнага комплексу і быў забіты пры сутыкненні з вайскоўцамі. У пакоі побач з яго сховішчам было знойдзена некалькі адзінак зброі.

Паводле інфармацыі з Газы, забіты быў братам іншага чыноўніка ХАМАС Махмуда Мабхуха, забітага ў Дубаі ў 2010 годзе. Паліцыя Дубая абвінаваціла тады ў датычнасці да злачынства ізраільскую сакрэтную службу Масад. Адным з абвінавачванняў супраць Махмуда Мабхуха было тое, што ён закупляў зброю для ХАМАС.