Салігорскі «Шахцёр» не здолеў прабіцца ў чвэрцьфінал валейбольнай Суперлігі
3- 27.03.2024, 21:34
Беларусы саступілі ў абедзвюх сустрэчах плэй-оф валейбольнага чэмпіянату Расеі.
Салігорскі «Шахцёр» саступіў «Енісею» і дома ў кваліфікацыйным раўндзе плэй-оф расейскай Суперлігі ў валейболе. Выніковы лік – 1:3 (22:25, 26:28, 25:22, 19:25).
Зыход усяго двубою вызначыўся ходам матчу. Гасцям даволі было перамагчы ў двух сэтах. У вызначальнай партыі выхаванцы Віктара Бекшы адгулялі тры сэтболы, але ў выніку яна ўсё роўна закончылася не на іх карысць.