Пад Берасцем скасілі вялізнае поле квітнеючых цюльпанаў
13- 22.04.2024, 21:10
- 39,028
Нашто гэта зрабілі?
У TikTok з'явілася відэа з пакосам поля з цюльпанаў на Берасцейшчыне, якое праславілася на ўсю Беларусь. Менш чым за дзень ролік сабраў амаль 100 тысяч праглядаў і амаль сотню поўных здзіўлення каментароў, зазначае telegraf.news.
Ужо некалькі гадоў сацсеткі беларусаў пакараюць відэа з плантацыі цюльпанаў фермерскай гаспадаркі «Знаходка Палесся», якая знаходзіцца ў вёсцы Тышкавічах Іванаўскага раёна.
@rozali0701 Белорусская Голландия) Как жаль, когда скашивают такую красоту! Но это необходимо для формирования луковиц. Фермерское хозяйство "Находка Полесья" #тюльпаны #tulips #tulipsfield #flowers #цветы #полетюльпанов #тышковичи #каккосяттюльпаны #movedtulips #fieldflowers #belarusholland #покостюльпанов #коситьтюльпаны ♬ оригинальный звук - Rozali
Поле з тысяч цюльпанаў, якому далі мянушку «беларускай Галандыі», гэтай вясной прыкоўвала да сябе погляды мноства беларусаў. І вось, калі цюльпаны яшчэ не адквітнелі, іх скасіў трактар. Карыстальнікі сацсетак абурыліся блюзнерствам такой дзеі. Навошта ж так рабіць?
«Сэрца баліць на такое глядзець, шкада кветак», - выказалася адна з карыстальніц.
«Ой, як шкада такую прыгажосць пад трактар!», - абурыўся яшчэ адзін каментатар.
«Ой, а навошта так з кветкамі?», - задаўся пытаннем яшчэ нехта.
Дзяўчына, якая зняла відэаролік, пастаралася растлумачыць пакос кожнаму занепакоенаму каментатару.
«Як шкада, калі скошваюць такую прыгажосць! Але гэта неабходна для фармавання цыбулін», - напісала яна ў суправаджэнні да відэа.
Як ні дзіўна, але пакос квітнеючых цюльпанаў - неабходная працэдура для росту і паспявання цыбулін кветак, якія пасля будуць выкарыстоўваць як пасадачны матэрыял. Гэтая практыка паўсюдна выкарыстоўваецца і ў Галандыі. Калі актыўны перыяд красавання цюльпана падыходзіць да канца, яго скошваюць касілкай, каб цыбуліны не марнавалі сілы і рэсурсы на падсілкоўванне бутона. Які пачынае вянуць. Дарэчы, эксперты адзначаюць, што галоўку цюльпана лепш абломваць рукой, а не секатарам.