Расейскі газ падаражэе да 150 даляраў
2- 12.10.2007, 15:02
Беларусь і Газпром на перамовах у Маскве пацвердзілі дасягнутую ў канцы мінулага года дамоўленасць, паводле якой цана на расейскі газ складзе ў 2008 годзе 67% ад еўрапейскай формулы цаны. Як паведаміла прэс-сакратарка Міністэрства энергетыкі Беларусі Людміла Зяньковіч, «пытанні цаны на газ не абмяркоўваліся. Праект бюджэту Рэспублікі Беларусь сфармаваны з улікам цаны на газ паводле кантракту з ААТ "Газпром" і ўмовы гэтага кантракту змяняцца не будуць».
Такім чынам, зыходзячы з наяўных сусветных цэнаў у 2008 годзе цана на газ, які пастаўляецца ў Беларусь, складзе каля 140–150 даляраў за тысячу кубаметраў. Між іншым, напярэдадні Беларусь заяўляла, што разлічвае на 15–20% падвышэння ад наяўнай цяпер цаны ў 100 даляраў за тысячу кубаметраў.
