«Вялікае мыццё» апошняй дыктатуры Еўропы

Як стала вядома прэс-цэнтру Хартыі’97, 27 кастрычніка ўвечары ў Менск па спецыяльнай замове брытанскага лорда Цімаці Бэла прыязджаюць заходнія журналісты. Раней падобныя прапагандысцкія туры ладзілі беларускія ўлады для расейскіх рэгіянальных СМІ.

Вядома, што прыедзе 7 журналістаў з Вялікабрытаніі і Францыі. Толькі з газеты «The Financial Times» прыязжаюць 4 журналісты. У Менск іх адправіў ангельскі піяршчык Цімаці Бэл, з якім урад Беларусі заключыў дамову аб паляпшэнні іміджу беларускага рэжыму.

Заходнія журналісты маюць намер наведаць менскія прадпрыемствы МАЗ, «Мілавіца», Нацбанк, Міністэрства прамысловасці, Міністэрства эканомікі, Міністэрства фінансаў, Парк высокіх тэхналогіяў.