Арыштаваны дырэктар ГД «Ждановічы» загаварыў?
5
11:05, — Крымінал
Па адной з версіяў, нядаўняя адстаўка міністра сельскай гаспадаркі і харчу Леаніда Русака наўпрост звязаная з арыштам генеральнага дырэктара гандлёвага дома "Ждановічы" Яўгена Шыгалава.
Яўген Шыгалаў вінаваціцца ў злоўжыванні службовымі паўнамоцтвамі. Па словах міністра ўнутраных справаў Уладзіміра Навумава, Шыгалаву інкрымінуецца незаконны захоп зямлі пад будаўніцтва, нагадвае "Беларускі партызан".
Паводле інфармацыі з міліцэйскіх крыніц, падчас следства Яўген Шыгалаў пачаў даваць прызнанні адносна многіх высокіх чыноўнікаў, у тым ліку - тады яшчэ міністра сельскай гаспадаркі і харчу Леаніда Русака.
Да прызначэння міністрам сельскай гаспадаркі і харчу Русак працаваў старшынём Менскага раённага выканаўчага камітэта, на тэрыторыі якога і месціцца гандлёвы дом "Ждановічы", якому па аб'ёмах гандлю няма роўных ва ўсёй Еўропе. Лагічна меркаваць, што паміж буйным бізнэсмэнам і экс-кіраўніком раённай "вертыкалі" узніклі ўзаемавыгадныя кантакты. Яўген Шыгалаў прымудрыўся пабудаваць у вёсцы Тарасава (найбліжэйшы прыгарад сталіцы) цэлы квартал шыкоўных катэджаў. Але ж атрымаць у мясцовых уладаў нават адзін участак у гэтай вёсцы вельмі складана.
Навіны
па тэме
- Экс-дырэктар «Жданавічаў» патрапіў у турэмную лякарню з інфарктам
- Экс-директор «Жданович» не признает своей вины
- Пасля арышту дырэктара «Ждановічаў» беларускі тэнісны стол збяднеў
- Кто «заказал» владельца «Жданович»?
- Арыштаваны ўладальнік «Ждановічаў» – адзін з найбагацейшых людзей Беларусі, па сумяшчальніцтву лідэр «Белай Русі»
