МХД адмовілі ў памяшканні для з'езду
2- 25.10.2012, 15:21
Аргкамітэт па стварэнні грамадскага аб'яднання «Маладыя хрысціянскія дэмакраты» атрымаў адмовы на ўсе 14 заявак.
Правядзенне з'езда запланавана на 3 лістапада.
Амаль ва ўсіх адмовах напісана, што ў гэты дзень памяшканні будуць занятыя. Пры гэтым у Доме афіцэраў нават не пазначылі прычыну адмовы, паведамляе bchd.info.
«Ніхто і не чакаў, што нам дадуць памяшканне для правядзення з'езду. Мы толькі пачынаем працэс рэгістрацыі, а ўлады ўжо паказваюць, што мы ўяўляем для іх небяспеку», - адзначыла лідэр МХД Марына Хоміч.
Разам з тым, яна паведаміла, што з'езд ўсё роўна адбудзецца 3 лістапада. Адрас памяшкання, у якім ён пройдзе, будзе абвешчаны на наступным тыдні.