Мара Антона Сурапіна
3- 29.12.2012, 8:26
Новы фільм з серыі «Хроніка суднага часу» з'явіўся ў Інтэрнэце.
Фільм прысвечаны рэпрэсаванаму журналісту-фатографу Антону Сурапіну, піша ПЦ ПЦ «Вясна».
Гісторыя з публікацыяй здымкаў плюшавых медзведзянят, якія былі скінутыя са шведскага самалёта, стала адной з самых скандальных ў 2012 годзе і фатальным чынам адбілася на лёсе журналіста. Пасля публікацыі Антон Сурапін апынуўся ў турме КДБ.
На момант арышту ён быў студэнтам Інстытута журналістыкі БДУ.
Ён быў затрыманы 13 ліпеня 2012 года ў менскай кватэры, дзе пражываў. Папярэдне ў кватэры быў праведзены ператрус. Антон быў змешчаны ў следчы ізалятар КДБ - «амерыканку». Афіцыйных звестак пра тое, што Антону было выстаўленае абвінавачванне, не было некалькі тыдняў. Тым не менш, праваабаронцы агучвалі меркаванне, што яго вінавацяць у спрыянні незаконнаму перасячэнню мяжы, але ўлады з нейкіх прычын хаваюць факт выстаўлення журналісту абвінавачвання. 7 жніўня 2012 журналісту было нарэшце выстаўлена афіцыйнае абвінавачванне.
Антон Сурапін прызнаны «Міжнароднай амністыяй» вязнем сумлення.