Хілары Клінтан шпіталізаваная

Дзяржсакратар ЗША Хілары Клінтан шпіталізаваная пасля таго, як лекары выявілі ў яе тромб.

Пра гэта паведаміла тэлекампанія CNN са спасылкай на памочнікаў кіраўніка дзярждэпартамента.

«Хілары Клінтан у нядзелю змешчаная ў шпіталь пасля таго, як лекары выявілі ў яе тромб. Лекары кажуць, што ўтварэнне тромба звязанае з перанесеным нядаўна дзяржсакратаром страсеннем мозгу», - адзначае тэлеканал.

У сярэдзіне снежня Клінтан перанесла кішачную інфекцыю, пасля чаго з-за абязводжвання страціла прытомнасць і атрымала страсенне мозгу.

Урачы будуць пільна назіраць за станам дзяржсакратара ЗША на працягу наступных 48 гадзін, ёй прапісаныя прэпараты, якія перашкаджаюць згортванню крыві, паведаміў журналістам памочнік кіраўніка дзярждэпартамента Філіп Рэйнс.