Камера катаванняў - Акрэсціна (Відэа)

4 красавіка ў Сядзібе БНФ прайшла прэзентацыя фільма Вольгі Мікалайчык «Камера катаванняў - Акрэсціна».

Сем відавочцаў распавядаюць пра жудасныя ўмовы ўтрымання, якія не адпавядаюць ніякім санітарным нормам у цэнтры ізаляцыі правапарушальнікаў навуліцы Акрэсціна, у народзе: турма «Акрэсціна». Сведкамі выступаюць арыштаваныя за ўдзел у мітынгу пасля выбараў 19 снежня 2010 года, акцыях салідарнасці з палітычнымі зняволенымі, малітвах каля Чырвонага касцёла і прысуджаныя да адміністрацыйнага арышту.

У фільме зняліся: Юлія Сцяпанава («Еўрапейская Беларусь»), Мікалай Дземідзенка («Малады фронт»), Галіна Царук (удзельніца малітвы за палітвязняў), Максім Сямёнаў (рух «Разам»), Юрый Навіцкі («За Волю»), Аляксандр Макаеў (рух «Разам», «Наша Беларусь»), Мікалай Казлоў (падпалкоўнік міліцыі ў адстаўцы).