Рубрыкі

Камера катаванняў - Акрэсціна (Відэа)

5.04.2012, 15:17

4 красавіка ў Сядзібе БНФ прайшла прэзентацыя фільма Вольгі Мікалайчык «Камера катаванняў - Акрэсціна».

Каментары 41

навіцкі, 16:04, 5.04

Грамадскім трыбуналам было прынятае рашэнне накіраваць генеральнаму пракурору РБ наступны зварот. Удзельнікі каардынацыйнай групы "За Волю" яго падпісалі і накіравалі разам з фільмам адрасату і фігурантам фільма. Кожны можа далучыцца.

Генеральнаму Пракурору Рэспублікі Беларусь

Канюку А.В

220101 г.Менск, вул. Інтэрнацыянальная, 22

Ад грамадзян Рэспублікі Беларусь

Адказ адпраўляць па адрасу:

____________________________________

____________________________________

З В А Р О Т

Тысячы беларусаў прайшлі ЦІП на Акрэсціна. Тысячы беларусаў сведчаць пра жудасныя ўмовы ўтрымання людзей у камерах гэтай турмы.Гэтая турма, як і многія іншыя – катавальня людзей,ганьба нашай дзяржаве, сорам перад усім светам.

Так, згодна з правіламі ўнутранага распарадку спецыяльныхустаноў, органаў МВД, якія выконваюць адміністрацыйнае пакаранне ў выглядзе адміністрацыйнага арышту:

п. 25. Адміністрацыйна арыштаваным і адміністрацыйна затрыманым прадастаўляюцца спальнае месца з пасцельнымі прыналежнасцямі і месца для захоўвання сродкаў асабістай гігіены;

п. 27. Камеры спецыяльных устаноў абсталююцца: • сталом і лавамі з колькасцю пасадачных месцаў па колькасці месцаў у камеры, • санітарным вузлом; • рукамыйніцай (па магчымасці), а таксама кранам з вадаправоднай вадой (бачком з пітной вадой); • тумбачкай для захоўвання туалетных прыладаў; • сеткавым радыёпрыёмнікам; • урнай для смецця; • вентыляцыйным абсталяваннем;

п. 28. Адміністрацыйна арыштаваныя і адміністрацыйна затрыманыя маюць права карыстацца ўласнымі пасцельнымі прыналежнасцямі, а таксама мець пры сабе прадметы першай неабходнасці, абутак і вопратку, прадугледжаныя ў пераліку згодна з дадаткам 1.

п. 29. Штодня па патрэбе ў камеры выдаецца астуджаная кіпячоная вада.

п. 78. Не дазваляецца трымаць у спецыяльнай установе асоб з прыкметамі вострага псіхічнага, інфекцыйнага і іншых вострых захворванняў, якія патрабуюць неадкладнай медычнай дапамогі.

п. 79. Пры выяўленні інфекцыйнага захворвання або педыкулёзу дзяжурны абавязаны паставіць пра гэта ў вядомасць тэрытарыяльны цэнтр гігіены і эпідэміялогіі і ў далейшым ажыццяўляць адпаведныя мерапрыемствы пад яго кантролем.

п. 86. Адміністрацыйна арыштаваныя (адміністрацыйна затрыманыя), дастаўленыя ў спецыяльную ўстанову, праходзяць санітарную апрацоўку. У далейшым санітарная апрацоўка праводзіцца не радзей аднаго разу на тыдзень па эпідэмічным паказаннях. Санітарная апрацоўка ўключае мыццё ў лазні (душавой) з абавязковай зменай пасцельнай бялізны (пры педыкулёзе - апрацоўку валасяных пакроваў), дэзінфекцыю, дэзiнсекцыi асабістага адзення і пасцельных прыналежнасцяў ў дэзінфекцыйнай камеры. Адміністрацыйна арыштаваныя (адміністрацыйна затрыманыя) маюць права карыстацца асабістымі туалетнымі прыладамі.

п. 93. Камеры для ўтрымання адміністрацыйна арыштаваных (адміністрацыйна затрыманых) і іншыя памяшканні павінны мець натуральнае асвятленне. Штучнае асвятленне дапускаецца ў памяшканнях кладовак, санітарных вузлах, душавых. Камеры і іншыя памяшканні абсталёўваюцца сістэмай прымусовай прытокава-выцяжной вентыляцыі, а таксама выцяжной вентыляцыяй з натуральным пабуджэннем.

п. 94. У спецыяльных установах павінна быць арганізавана рэгулярнае правядзенне прафілактычнай апрацоўкі памяшканняў супраць казурак і грызуноў па дамовах з дэзінфекцыйнай службай тэрытарыяльных цэнтраў гігіены і эпідэміялогіі.

96. Адміністрацыйна арыштаваным (адміністрацыйна затрыманым) прадастаўляюцца штодзённыя прагулкі.

Мы сведчым, што ўсе гэтыя пункты правіл унутранага распарадку парушаюцца, не выконваюцца: вошы, пацукі, адсутнасць ложкаў,пасцельнай бялізны, бруд, жудасная прыбіральня, неаказанне медычнай дапамогі, холад, дрэнная вентыляцыя, дрэннае асвятленне, забарона шпацыру і многае іншае -гэта ўсе “Катавальня-Акрэсціна”.

Акрамя парушэнняў вышэйназваных пунктаў, мы лічым непрымальнай сітуацыю, калі назіральнікамі ў камерах, дзе знаходзяцца дзяўчаты ды жанчыны, працуюць мужчыны і наадварот . Гэта маральныя катаванні, здзек з чалавека, здзек з жаночай і мужчынскай годнасці!

У якасці доказаў парушэння мы дасылаем вам фільм у якім людзі сведчаць пра жудасныя ўмовы ўтрымання на Акрэсціна. Такіх сведчанняў, мы можам запісаць і даслаць тысячы і тысячы. Параўнайце іх сведчанні з тым, што запісана ў правілах унутранага распарадку, параўнайце іх з умовамі ў еўрапейскіх ізалятарах. Спадзяемся, што ў вас расплюшацца вочы на гэты гвалт і беззаконне, і вы спыніце катаванні людзей, зробіце ўсе, каб зачыніць гэтае бруднае месца.

Мы, грамадзяне Рэспублікі Беларусь, пратэстуем супраць бесчалавечных умоваў утрымання людзей у ЦІПе Акрэсціна.

Наша краіна знаходзіцца ў самым цэнтры Эўропы,беларусы адукаваная , інтэлектуальная нацыя, але людзі, затрыманыя па адміністрацыйных справах, знаходзяцца падчас адбывання арышту ва ўмовах, якія інакш,як катаваннямі назваць нельга. Гэта выстаўляе беларускую ўладу, якая дазваляе адбывацца гвалту над чалавечай асобай, як жорскую, бесчалавечную, амаральную. Нам сорамна, што на беларускай зямлі есць такія “катавальні-акрэсціна”, ды не толькі ў Менску.

Мы патрабуем спыніць маральны і фізічны здек са сваіх грамадзян, спыніць катаванні,патрабуем неадкладна зачыніць гэтую” Катавальню –Акрэсцна”.

4.04.2012

Ваш комментарий добавлен и появится здесь после модерации_

папулярнае за тыдзень

Меркаванне