Што робіць у Беларусі машына з нумарамі Паўднёвай Асеціі? (Фота)
37- 13.09.2012, 15:45
Аўтамабіль з паўднёва-асецінскімі нумарамі быў заўважаны ў цэнтры Гродна.
Фатаграфію «Мэрсэдэса» з нумарам В633ВС апублікаваў у сацыяльнай сетцы «Фэйсбук» журналіст Андрэй Мялешка. Па словах жыхароў горада, яе бачылі ў Гродна на працягу года.
Нагадаем, Паўднёвая Асеція абвясціла незалежнасць пасля расейска-грузінскай вайны 2008 года. Яе прызналі толькі пяць краін - Расея, Нікарагуа, Наўру, Венесуэла і Тувалу. Беларускія ўлады гэтага не зрабілі.
У сувязі з гэтым узнікае пытанне: якім чынам аўтамабіль з нумарамі непрызнанай дзяржавы перасёк беларускую мяжу?