Вычысцім гэбэшную заразу!

Наш сайт пачынае акцыю па барацьбе са шпіёнскімі праграмамі беларускіх спецслужбаў.

Улічваючы бесперапынныя спробы заразіць кампутары актывістаў, грамадскіх дзеячаў, палітыкаў і журналістаў, мы аб'яўляем бестэрміновую акцыю бясплатнай праверкі на вірусы для ўсіх жадаючых.

Як мінімум з 2011 года вядома аб паспяховых спробах беларускіх спецслужбаў падкінуць кампутарныя вірусы на кампутары актывістаў. Здараліся і напады на наш рэсурс. Пра гэта мы ўжо неаднаразова пісалі.

Калі Вы лічыце, што можаце з'яўляцца ахвярай кампутарнага сачэння, то мы прапануем Вам прайсці простую праверку.

Першае, што варта зрабіць - гэта праверыць праграмы, якія запускаюцца на Вашым кампутары аўтаматычна пры старце сістэмы. Разабрацца ў велізарнай колькасці невядомых службаў і дадаткаў АС Windows часам не проста, таму мы хочам прапанаваць Вам бясплатную дапамогу ў аналізе спісу праграм. Мы прапануем выкарыстоўваць невялікую і бясплатную ўтыліту ад кампаніі Microsoft, вядомую як Autoruns, для таго, каб сабраць спіс праграм аўтазапуску і адправіць нам на праверку. Такім чынам, вось простая інструкцыя:

Спасылка на праграму Autoruns.

Больш падрабязная інфармацыя пра ўтыліту (на англійскай).

У выпадку, калі Вы самастойна змаглі выявіць вірус або траянскую праграму на сваім кампутары, калі ласка:

1. скапіруйце яе ў асобную папку;

2. змяніце расшырэнне файла, пераназваўшы яго, напрыклад, у virus.bin;

3. змясціце файл у архіў з паролем «virus»;

4. дашліце нам на паказаную паштовую скрыню (virus.charter97@gmail.com).

Магчыма, інфармацыя, якой Вы падзеліцеся, раскрые невядомую сетку шпіёнскіх праграм і дапаможа абараніць кампутары іншых карыстальнікаў.

Мы гарантуем бяспечнае захоўванне і выкарыстанне атрыманых дадзеных, а таксама праінфармуем Вас аб выніках праверкі.