Расея павышае пошліны на нафту
5- 25.09.2012, 9:59
Экспартная пошліна на нафту ў РФ з 1 кастрычніка 2012 года павысіцца на $25,1 - да $418,9 за тону.
У цяперашні час экспартная пошліна на нафту складае $393,8 за тону, піша «Інтэрфакс».
Льготная стаўка на нафту Усходняй Сібіры, Каспійскага радовішча і Прыразломнага радовішча складзе з 1 кастрычніка $210,1 за тону ў параўнанні з дзеючай стаўкай $191,3 за тону.
Пошліна на звышглейкую нафту (стаўка ў памеры 10% ад пошліны на нафту) з 1 кастрычніка складзе $41,8 за тону ў параўнанні з $39,3 за тону, якая дзейнічае з 1 верасня.
Пошліна на светлыя і цёмныя нафтапрадукты, якая з 1 кастрычніка 2011 года ўніфікаваная на ўзроўні 66% ад пошліны на нафту, з 1 кастрычніка складзе $276,4 за тону. З 1 верасня яна ўстаноўленая на ўзроўні $259,9 за тону.
Пошліна на экспарт бензіну, зыходзячы з каэфіцыента 0,90, з 1 кастрычніка будзе павышана да $377,0 за тону з $354,4 за тону ў верасні.
Пошліна на звадкаваны газ у кастрычніку складзе $172,5 за тону, у верасні яна знаходзіцца на ўзроўні $76,2 за тону.