МЗС Расеі пакрывае дыктатара
53- 25.09.2012, 15:00
Міністэрству замежных спраў РФ не спадабалася ацэнка беларускіх «выбараў» з боку АБСЕ.
«Маніторынг ажыццяўлялі шматлікія назіральнікі ад Расейскай Федэрацыі і розных міжнародных структур, у прыватнасці Садружнасці Незалежных Дзяржаў. Іх ацэнка складаецца ў тым, што названыя выбары прайшлі свабодна, адкрыта, у спакойнай абстаноўцы, пры высокай яўцы выбаршчыкаў», - гаворыцца ў паведамленні, апублікаваным на сайце ведамства ў аўторак.
«На жаль, як звычайна ў такіх выпадках, дысанансам прагучала «адмысловае» меркаванне Бюро па дэмакратычных інстытутах і правах чалавека (БДІПЧ) АБСЕ, у папярэдніх высновах якога зноў узяў верх загадзя палітызаваны падыход», - падкрэслілі на Смаленскай плошчы.