Першы за 20 гадоў пратэст супраць цэнзуры ў Кітаі
6- 7.01.2013, 12:10
Рэдакцыя кітайскай газеты Southern Weekend пачала забастоўку.
Журналісты пратэстуюць супраць умяшання ўладаў у рэдакцыйную палітыку. Упершыню за 20 гадоў журналісты найбуйнейшай газеты выступілі супраць цэнзуры, перадае ВВС.
Натоўп сабраўся каля офіса выдання ў горадзе Гуанджоў, сталіцы правінцыі Гуандун.
Пратэст разгарэўся праз тыдзень пасля таго, як рэдакцыя была вымушаная замест віншавання з Новым годам, паставіць на паласу хвалебны артыкул у адносінах да кіруючай партыі.