Мытнікі перахапілі тону чырвонай рыбы
19- 11.10.2013, 19:25
- 14,455
Супрацоўнікамі аператыўна-пошукавага аддзела Гомельскай мытні спыненая спроба незаконнага перамяшчэння праз мяжу ласося на 125 млн рублёў.
Пасля стандартных працэдур рыба, відавочна, пойдзе ў продаж.
У Гомельскай мытні распавялі, што пры даглядзе грузавіка ў пункце пропуску «Новая Гута» былі выяўленыя 64 скрынкі, не названыя ў суправаджальных дакументах. Іх агульная вага - 960 кг.
Пачаты адміністрацыйны працэс паводле артыкула «Парушэнне парадку выбыцця тавараў з мытнай тэрыторыі Мытнага саюза».
Незаконна ўвезены тавар канфіскаваны.