На выходных пацяплее

Надвор'е ў Беларусі цяпер фармуе халодная перыферыя скандынаўскага антыцыклону з цэнтрам над поўднем Швецыі.

Істотных ападкаў не чакаецца. Вецер паўночны ўмераны. У гадзіны максімальнага прагрэву тэмпература паветра складзе ад +4...+6°С па паўночным усходзе да +8...+10°С па паўднёвым захадзе рэспублікі, піша pogoda.by.

У бліжэйшыя суткі, 3 кастрычніка, умовы надвор'я на тэрыторыі Беларусі будзе вызначаць халодны антыцыклон, цэнтр якога перамесціцца на Польшчу. Атмасферны ціск працягне павышацца. Пераменная воблачнасць. Пераважна без ападкаў. Ноччу і раніцай месцамі туман, магчымы слабы галалёд. Вецер паўночна-усходні ад слабога да ўмеранага. Ноччу ў многіх раёнах краіны замаразкі да 0...-4°С, месцамі тэмпература паветра слабададатная +1...+3°С; максімальная тэмпература паветра заўтра днём +4...+10°С. У сувязі з начнымі замаразкамі, не пакідайце адчыненымі выкапаныя бульбу і карняплоды!

4-5 кастрычніка захаваецца ўплыў скандынаўскага антыцыклону, які змяшчаецца ў паўднёва-усходнім напрамку - на тэрыторыю Заходняй Украіны. 4 кастрычніка без істотных ападкаў. Ноччу і раніцай у асобных раёнах туман, у ранішнія гадзіны магчымы слабы галалёд. Ноччу на большай частцы тэрыторыі замаразкі да 0...-4°С, месцамі тэмпература паветра +1...+4°С, днём +6...+11°С.

5 кастрычніка пераважна без ападкаў. Ноччу і раніцай у асобных раёнах туман. Тэмпература паветра ноччу +1...+6°С, на глебе і месцамі ў паветры замаразкі да 0...-4°С, днём +7...+12°С.