Аляксандр Аляксейчыкаў: Чыноўнікі думаюць, што гульцы растуць на дрэвах

Прыйшоў, страсянуў - збірай плады.

Спартыўны дырэктар ФК «Мінск» Аляксандр Аляксейчыкаў мае каларытную футбольную мінуўшчыну. Сталічнае «Дынама», магілёўскі «Дняпро» і бакінскі «Нефтчы», юнацкая зборная СССР, ладны кіраўнічы досвед - і пры гэтым амаль поўная адсутнасць панарамных інтэрв'ю, што малююць вобраз зацятага чалавека. Аляксандр Аляксейчыкаў параўнаў сістэму падрыхтоўкі спартоўцаў у Савецкім Саюзе і сучаснай Беларусі, піша «Прессбол».

«Вы ведаеце, якой была сістэма падрыхтоўкі гульцоў у СССР? Шалёны дабор. На «Дынама» працавалі ўсе футбольныя школы Беларусі плюс можна было шукаць гульцоў ва ўсім Саюзе. Проста трапіць у абойму ўжо азначала велізарны поспех. Я прыйшоў зусім юным і ўліўся ў дубль - у генерацыю хлопцаў 1956 года нараджэння. А гэта легендарнае пакаленне. Курбыка, Бароўскі, Шавейка, Пісараў, Сінчук, Мірончык, Васілеўскі... Каманда - як мае быць. У сваім узросце ў саюзным першынстве ніжэй за другое месца не апускалася. Такі тэрор чынілі на полі... Цяпер так футбалістаў не рыхтуюць. Платформа разбурылася ў пачатку 90-х і дагэтуль неадноўленая. Я здзіўляюся, слухаючы некаторых нашых чыноўнікаў. Такое ўражанне, што яны думаюць, быццам гульцы на дрэвах растуць, як грушы. Прыйшоў, страсянуў камель - збірай плады», - заявіў ён.