Nokia прадэманстравала «разумны» гадзіннік з шасцю экранамі (Відэа)

Патэнтавая заяўка Nokia з апісаннем аналага разумных гадзіннікаў апублікаваная на сайце Бюро рэгістрацыі патэнтаў і гандлёвых марак ЗША.

Дакумент датаваны жніўнем мінулага года. У ім ідзе гаворка пра прыладу модульнага тыпу, якая носіцца на запясці, паведамляе Engadget.

На кожны дысплей можна выводзіць асобную выяву з запушчанымі дадаткамі (надвор'е, навіны, камера і г. д.), а потым круціць іх вакол запясця або размяшчаць руку такім чынам, каб патрэбная праграма аказвалася заўважанай, паведамляе onliner.by. Некаторыя элементы інтэрфэйсу паказваюць на тое, што працуюць гадзіннікі пад кіраваннем аперацыйнай сістэмы Microsoft.

Варта адзначыць, што наяўнасць патэнтнай заяўкі не азначае, што кампанія мае намер пачаць выраб апісанай прылады. Акрамя таго, Nokia наўрад ці здолее выпусціць гадзіннік пад уласнай маркай - у пачатку 2014 чакаецца заканчэнне паглынання фінскай кампаніі з боку Microsoft. Існуюць чуткі, што ў нетрах Microsoft таксама распрацоўваюцца гадзіннікі Surface, таму напрацоўкі Nokia могуць спатрэбіцца.