Баўмгертнер пазбавіўся пасады гендырэктара «Уралкалію»

Новым генеральным дырэктарам «Уралкалію» стаў былы гендырэктар «Уралхіма» Зміцер Осіпаў.

Пры гэтым Баўмгертнер захавае крэсла ў савеце дырэктараў, пра гэта паведамляе «Коммерсант».

Цяпер абавязкі генеральнага дырэктара «Уралкалію» выконвае Віктар Белякоў. Але ён павінен саступіць у бліжэйшы час гэту пасаду Дзмітрыю Осіпаву, так як у кампаніі адбылася змена ўласнікаў.

АНЭКСІМ і «Уралхім» у пятніцу закрылі здзелку па выкупе 21,75% і 20% «Уралкалію» адпаведна. Яшчэ 5,34%, па неафіцыйнай інфармацыі, дакупілі структуры, дружалюбныя Міхаілу Прохараву.

Нагадаем, у канцы ліпеня «Уралкалій» абвясціў аб рашэнні адмовіцца ад сумесных з «Беларуськаліем» продажаў калію праз Беларускую калійную кампанію і самастойна працаваць на сусветным рынку праз «Уралкалій Трэйдынг». Гэта стала пачаткам маштабнага канфлікту: у канцы жніўня Следчы камітэт Беларусі арыштаваў Уладзіслава Баўмгертнера і абвясціў у вышук найбуйнейшага акцыянера «Уралкалію» Сулеймана Керымава. Іх абвінавацілі ў арганізацыі дзеянняў, якія прывялі да шкоды ў $100 млн. Лукашэнка патрабаваў змяніць асноўнага акцыянера «Уралкалію». Баўмгертнер быў у канцы жніўня затрыманы ў Беларусі, затым у лістападзе выдадзены Расеі і да гэтага часу знаходзіцца пад хатнім арыштам у Маскве.

Фота: РІА «Новости»