У Валгаград уведзеныя ўнутраныя войскі (Відэа)
54- 30.12.2013, 18:35
- 68,281
Для стабілізацыі становішча ў Валгаградзе ў горад уводзяць унутраныя войскі.
Пра гэта паведамляюць відавочцы, якія бачылі на вуліцах калоны грузавікоў з салдатамі. Відэа, якое сведчыць пра гэта, размешчанае ў інтэрнэце.
Нагадаем, сёння, 30 снежня, а 8:23 паводле мясцовага часу ў Дзяржынскім раёне Валгаграда грымнуў выбух у тралейбусе. У выніку выбуху загінулі 14 чалавек, яшчэ каля 28 - пацярпелі. Паводле папярэдніх звестак, у тралейбусе ў Валгаградзе выбухнуў тэрарыст-смяротнік. Самае жудаснае, што гэта ўжо другі тэрарыстычны акт у горадзе за два дні. Днём 29 снежня на чыгуначным вакзале ў Валгаградзе перад рамкай металашукальніка, які ўсталяваны на ўваходзе ў будынак, спрацавала выбуховае прыстасаванне. У выніку тэракту пацярпела некалькі дзясяткаў чалавек.
Сёння днём паліцыя разагнала Народны сход, сабраны, каб абмеркаваць прычыны і наступствы тэрактаў і пытанні бяспекі жыхароў Валгаграда.