Ахвярамі хімічнай атакі пад Дамаскам сталі больш 1.000 чалавек

Сірыйская апазіцыя заяўляе, што прыгарад Дамаска быў абстраляны войскамі Башара Асада.

Улады краіны гэтую інфармацыю абвяргаюць, паведамляе тэлеканал Al Arabia.

Па дадзеных праціўнікаў сірыйскага дыктатара, войскі Башара Асада скінулі з самалётаў ракету класа «зямля-зямля». Стала вядомая і дакладная колькасць загінулых - па дадзеных апазыцыі, 1188 чалавек. Целы загінулых дастаўляюць у палявы шпіталь у некалькіх кіламетрах на ўсход ад сірыйскай сталіцы.

Праваабаронцы таксама паведамляюць пра гібель 100 чалавек у бамбаванні, якое адбылося ў іншым раёне Дамаска. Паступаюць паведамленні і пра масавую атаку ў іншых прыгарадах сталіцы Сірыі.

Улады Велікабрытаніі ў сераду выказалі крайнюю занепакоенасць паведамленнямі пра магчымае выкарыстанне хімічнай зброі на тэрыторыі Сірыі і маюць намер вынесці гэтае пытанне на абмеркаванне Рады бяспекі ААН, паведамляе агенцтва Reuters.

У сапраўдны момант у краіне знаходзяцца эксперты ААН па хімзброі. Ім трэба будзе ўстанавіць факт прымянення хімічных рэчываў пры барацьбе з апазіцыяй улады.

Канфлікт паміж прыхільнікамі і праціўнікамі Асада, перарос у грамадзянскую вайну, якая працягваецца ў Сірыі з сакавіка 2011 года. Па дадзеных ААН, з пачатку ваенных дзеянняў у Сірыі загінулі не менш за 80 тысяч чалавек. Велікабрытанія і ЗША заявілі пра магчымасць паставак ўзбраення апазіцыі пасля інфармацыі аб ужыванні ўрадавымі войскамі хімічнай зброі.

Афіцыйны Менск неаднаразова заяўляў пра сваю падтрымку сірыйскага рэжыму. Многія эксперты і міжнародныя арганізацыі заяўляюць пра тое, што Беларусь пастаўляе зброю Башару Асаду ў абыход міжнародных санкцыяў, а спецыялісты з нашай краіны працуюць на ваенных аб'ектах у Сірыі.

Фота: Reuters